உன் விழியிலே அவள் வழியில்

உன் விழியிலே அவள் வழியில் செல்லாதே அவள் சாவிலும் அதிக கசப்புள்ளவளாம் மறந்து போகாதே அவள் (உலகம்) அழகில் மயங்கித் திரியாதே

1. பரஸ்திரீயின் உதடுகள் தேன்கூடுபோல் ஒழுகும் எண்ணெயிலும் மிருதுவாய் அவள் வாய்தான் காணப்படும் அவள் செய்கையின் முடிவோ எட்டியை போல் கசப்பு அது இருபுற கருக்குள்ள கூர்மையானது

2. அவளது காலடிகள் மரணத்தை நோக்குது அவளது நடைகளெல்லாம் பாதாளத்தைப் பற்றுது நீ ஜீவ மார்க்கத்தைச் சிந்திக்காதபடி அவள் நடைகளோ மாறி மாறி மாறுபடும்

3. ஆதலால் என் மகனே (ளே) என் வார்த்தைக்கு செவிகொடு உன் இதயத்தில் இடம்கொடு புதிய மனிதனாய் மாறிவிடு அவள் வீட்டு வாசலை கிட்டிச் சேராதே ஜெப வீட்டின் வாசலை விட்டு ஓடாதே