இதுவரை காத்தவர் காத்திடுவார்

இதுவரை காத்தவர் காத்திடுவார் ஒருபோதும் கைவிடார்

அல்லேலூயா (3) Praise the Lord

1.இன்று வரையில் என்னை நடத்தின எபிநேசர் நீரே இறுதிவரையில் காத்து நடத்தும் கன்மலை நீரே

2.சிலுவை மரத்தில் உம் ஏக சுதனை கைவிட்ட தெய்வமே அவர் கதறி அழைத்தும் கைகொடுக்காமல் என் கரம் பிடித்தவரே

3.உள்ளங்கையில் என்னை வரைந்த உன்னதர் நீரே என்னை உயர்த்தும் வரையில் உந்தன் வாக்கை காப்பவர் நீரே

4.நிழலைப்போல என்னைத் தொடர்ந்து காப்பவர் நீரே பறந்து காக்கும் பட்சி போல பாதுகாப்பவரே

5.உலக நேசம் மாயை என்று உணரச்செய்தவரே உண்மை நேசம் விளக்கி காட்ட உயிரைக் கொடுத்தவரே

நேசிக்கிறேன் உம்மையே அகாப்பே (நேசரே) காதலா