ஆண்டவர் சன்னிதி வாருங்களே

ஆண்டவர் சன்னிதி வாருங்களே நல் ஆனந்தமுட னே பாடுங்களே இயேசுவின் பிறப்பில் மகிழுங்களே இந்த இகமதில் நாளும் முழங்குங்களே

வாருங்களே வாருங்களே - 2

உள்ளங்கள் மகிழும் உறவுகள் மகிழும் இறைவன் அன்பில் வாழ்ந்து வந்தால் அடுத்தவர் நலனில் நாட்டமே கொண்டால் ஆண்டவர் வழியினில் நடந்திடலாம்

குறைகளைக் காணாமல் பிறரை ஏற்றால் இயேசுவை அவரில் கண்டிடலாம் - 2 இறைபணி தொடர் இறையாட்சி மலர் இணைந்திடுவோம் நாம் இறைவனிலே

சாதிகள் இல்லை பேதங்கள் இல்லை இறைவன் இயேசு வருகையிலே நீதியுமுண்டு சமத்துவமுண்டு இறைவன் வாழும் சமூகத்திலே அன்பே கடவுள் என்பதை உணர்ந்தால் இனிய உலகம் படைத்திடலாம்